Overcomers het 18 jaar gelede begin toe ons as vriendinne met laerskool kinders in die Eldoraigne en Wierdapark omgewing behoeftes by van die ander skoolkinders raakgesien het. In die proses om te help het ons egter gou besef dat dit nie net die kinders is wat hulp benodig nie, maar die hele gesin. Die nood is ook veel groter is as waarvan die mense in ons omgewing bewus is. Overcomers is gestig en is vandag ‘n Geregistreerde Nie-Winsgewende Organisasie. Ons besef ons kan nie in almal se behoeftes voorsien nie, maar ons probeer wel ‘n daadwerklike verskil maak waar die nood die grootste is by die gesinne wat die Here oor ons pad bring. Soms is dit net om ‘n gesin op die kort termyn te help agv omstandighede wat tydelik verander het, maar partykeer neem dit heelwat langer vir iemand om weer op hulle voete te kom.  Daarom probeer ons om beide liggaamlike en geestelike ondersteuning te bied om mense te help om oor hulle omstandighede te kom.