Dit was die afgelope vakansie weer tyd vir ons immer gewilde kinderweek van 4 tot 8 Julie '11.
Ons was gemiddeld 64 kinders per dag! Sjoe wat 'n lekker groot groep! Ons het die tema gedoen Amazing race@kruis wat ons elke oggend van 'n sessie gehad het. Dit het gehandel oor ons moet 'n keuse maak om Jesus te volg en dit dan elke dag te leef.
Vir die aktiwiteite het ons Maandag 4 Jul 'n "banner" gemaak met al die kinders se hande wat geverf is en hulle name bygeskryf is, 'n lekker herinnering aan 'n baie lekker kinderweek! Dinsdag 5 Jul het ons saam met Tannie Gertie Boonzaaier skulpies op 'n piering gemosaiek! Van die kleinste tot die heel oudste maatjie het die baie geniet, DANKIE Tannie Gertie dit was verskriklik lekker gewees. Woensdag 6 Jul Het Tannie Mossie en Oom Gerrie de Wet vir ons kom wys hoe om gliserien sepies te maak, dit was baie intressant en lekker gewees! Ons het weer vir mamma bederf met mooi kaartjie met 'n sepie. Dankie Tannie Mossie en Oom Gerrie!! Donderdag 7 Jul het Antionette Pienaar vir ons 'n vertoning met marionette gedoen en met ons gesels oor hoe spesiaal ons is en hoe lief Jesus vir ons is en dat ons Jesus se prinse en prinsesse is! Dit was 'n lekker oggend gewees om so saam met die marionette te sing en Jesus te loof en te prys! Daarna het ons vir mamma 'n baie mooi skinkbord lappie gemaak van ongebleikte linne en met vetkryt op die lappie geteken waarna ons dit vasgestryk het.
Vrydag 8 Jul was net 'n lekker rus dag gewees waar ons lekker DVD's gekyk het, na 'n lekker besige week!
Herman de Clercq het vir ons heerlike besig gehou met boeresport, paintball en"outydse" speletjies. Dankie Herman dit was 'n wonderlike voorreg gewees om saam met jou te kon gespeel het!
Helize vd Merwe was ons verpleegster, dankie Helize, jy was 'n regte "engel" vir ons gewees. Elsa Mare het die kinders elke dag baie lekker laat sing tot Jesus se eer! Elsa en Marinda Lamprecht en Madelein Small het gesorg dat ons magies elke dag heerlik vol gekom het met die lekkerste middagetes! Dankie julle!
Melanie Dorfling en Jeandre Pretoruis het vir ons al die foto's geneem! Dankie julle, julle het julle baie goed van jul taak gekwyt!
Johan Dorfling het ons klank en beeld gedoen elke dag, dankie boeta jy was 'n regte staatmaker gewees!
Quintin Mare was 'n regte staatmaker! Hy was my regter hand! hy was regtig onmisbaar! Dankie Quintin!
Die kinderweek was 'n reuse sukses maar ek kon dit nie op my eie gedoen het nie! Sonder al my groep leiers sou dit nie so 'n groot sukses gewees het nie!
Chloe, Tanya, Anlia, Eduan, Marelize, Surina, Jo-Anne, Tilia en Monique julle was sterre! Dankie vir al julle harde werk, bereidwilligheid om elke dag so vroeg daar te wees en weer laaste huis toe te gaan.
As jy die jaar se kinderweek gemis het, wees dan op die uitkyk vir ons vlg kinderweek vlg jaar dit is elke jaar hope pret!
Foto': klier hier http://www.eldofam.co.za/fotos/
2011-10-17 12:00