Wil jy met iemand praat, maar niemand luister nie? Kliek nou na iemand wat jou kan help.
------------------------------------------------------------------------------------------------------------------------------------
2011-11-25 12:33 Ons nooi almal uit om te kom kuier op ons facebook: GARAGE AT ELDO!
Neem gerus deel aan gesprekke en kyk wat vang Garage jongmense alles aan!!
Kyk ook na ons fotos en lewer gerus kommentaar!!
Van al die Garage jongmense!!!
GAAN GROOT, WEES ANDERS EN MAAK N VERSKIL!!
2011-11-25 12:17 Die afgelope naweek was n hoogtepunt op ons kerk kalender!! Die gemeente het sy 40 jarige bestaan gevier!!
Die garagebediening se jeug was deurentyd betrokke!! Garage@Eldo: JULLE KOOK!!
Julle leef ons motto:
GAAN GROOT!
WEES ANDERS!
MAAK 'N VERSKIL!!
Vrydagmiddag het baie jongmense in die binnehof bymekaar gekom en ballonne opgeblaas dat die biesies bewe!! Saterdag het hulle die ballonne oor die hele terrein gaan vassit om n partytjie atmosfeer te skep en daarna die ballonne weer in die binnehof gaan vassit vir Sondagoggend se feestelike afsluitingsdiens!! Saterdag was hulle deurentyd betrokke met koffie tee en koeldrank bedien!! Die band het hulle kant gebring in Sondagoggend se feesdiens en die hele gemeente het harlik saam met die lekker "lewendige" band gesing!! Voorwaar n fees!!
Dankie julle!! Dis wonderlik om te sien julle verstaan iets van Christenwees!! Julle is bereid om hande vuil te maak en Jesus se liefde uit te straal deur diensbaar te wees!!
Ons waardeer julle!!
Tannie Thea
Gaan kyk gerus na die fotos op hierdie webwerf!!
2011-10-10 9:26 Rata Beke / Week van Liefde
Hanro (ons nuwe jeugwerker wat lankal ook nie meer nuut is nie!) het namens die Garagebediening ‘n Week van Liefde gereël vir enigiemand wat sou belangstel. Bywoning? Vrot, Evaring? Great!!!!!! Dis amper of die groepie wat daagliks gewissel het van so omtrent 2 karre vol (darem propvol!) “uitverkies” is om hierdie ervaring te hê. Ons het voorwaar spesiaal gevoel om dit te kon meemaak. ‘n Paar hoogtepunte wat ons kan uitlig: NG Kerk Bosmanstraat se kloktoring opgeklim en gaan bid, PEN WELLNESS en PEN KIDS beleef, Olievenhoutbosch besoek en met kinders daar gespeel, gewerk by Arcadiagemeente se skuiling wat herberg gebied het aan Shubartpark mense, Echo besoek en saam met hulle inwoners gekuier, Viva Village in Mamelodi besoek en ‘n baie goeie “eye-opener” gekry oor wat bereik kan word as daar genoeg passie in ‘n projek gepomp word, broodnodige voorrade na Danville sopkombuis geneem. Drie van ons etes was egte Afrika etes, nl Pap en kerrievleis wat ons met ons hande geëet het (dankie aan Andries –hulle by PEN!), ‘n SPUD-loaf (uitgeholde brood met chips en groente in) en hoender afval en Afrikasop by Viva Village.
Ons Belydenisgroep gaan op hierdie jaar se kamp ‘n “projek” identifiseer by een van die genoemde instansies wat ons besoek het wat hulle as groep dan gaan bestuur van A-Z, tot dit afgehandel is. Diegene wie die week bygewoon het, sal waardevolle insette kan lewer daaromtrent en ons glo dit gaan ‘n baie lewensverrykende ervaring wees vir hulle. Sterkte Suné, jy sal die leier moet wees!!!
Echo werk op die beginsel van “moenie vir iemand vertel van Jesus se liefde voordat jy nie bereid is om hom/haar lief te hê soos Jesus gesê het jy moet doen nie.” Eina?!!! Ja!!!! Radikaal? Dalk ook ja! Kan ons identifiseer hiermee? Besluit maar vir jouself. Gaan kyk gerus na ons foto's op die Web...
2011-09-22 10:26 "Werp al julle bekommernis op Hom, want Hy sorg vir julle"
Sommige dinge in die lewe kan jy beheer: jou keuse van werk, wie jou vriende sal wees, wat jy vir pret doen. Sekere ander dinge kan jy nie beheer nie: wat mense sê en doen, die skommeling van die aandelemark en die pap band wat jy vanoggend gekry het!
Jou stresvlakke en algemene gesondheid wat jy geniet word bepaal deur die manier op hoe jy reageer op hierdie dinge wat jy nie kan beheer nie!
As jy jou gereeld oor hierdie klein dingetjies ontstel, ly jy op baie maniere! As jy dit van jou afskud, vaar jy baie beter! Die Bybel sê jy moet jou bekommernisse op die Here werp!
Om iets van jou af te skud, beteken nie jy is onverskillig daaromtrent nie; dit beteken net jy erken daar is niks wat jy op daardie oomblik kan doen om die situasie te verander nie. Die band het reeds pap geword; dit het sin om die AA te bel; om te kere te gaan en die band te skop, het nie sin nie! Die lae-stresvlak benadering behels om dinge van jou af te skud. Sulke dinge gebeur in die lewe! God werk op n geheimsinnige manier!
As jy op Hom vertrou om dinge te laat uitwerk, sal jy maklik deur die laagtepunte in die lewe gaan!
Doen wat jy kan, maar moenie ontsteld raak oor dinge wat buite jou beheer is nie!
DOEN JOU BES, BID DAAROOR EN GOD SAL DIE RES DOEN!!
2011-09-22 10:13 Ons gaan Sondagaand direk na die Garagediens op n Ys-skaats uitstappie!
Kostes is R80 pp
Dit sluit in: Toegang by die Ysskaatsbaan
Jou skaatse
Ligte aand-ete
DIE BUSVERVOER IS GRATIS!
Ons sal 21h30 terug wees by die Kerk!!
Sien jou daar!!
2011-08-29 10:01 GARAGEDIENS se eie UITREIKWEEK: 3 – 7 Oktober 2011
RATA BEKE
(Week van Liefde doen)
Hier is 'n idee van die "voorlopige program": natuurlik met nog 'n paar versteekte verrassings...Moet nie die misloop nie, jy gaan spyt wees!
Maandag
Inligtingsessie, nood en sending
PEN (middagete)
ECHO aandete
Dinsdag
Olievenhoutbosch plakkerskamp
Woensdag
VIVA Village
Middagete viva village
Intentional living kommune (aandete)
Donderdag
PEN - Gaan kuier vir Vigs wesies en speel met hulle!
Danville sop kombuis
Vrydag
Breakfast debrief
Sessie (waarna toe nou)
Kostes
R300 pp
Skakel ons indien jy net sekere van die dae kan bywoon dan pas ons die prys aan volgens jou behoeftes...
Hanro: 079 026 5373 Ina: 082 576 3034 Thea: 082 787 4320
2011-08-05 11:14 * DANKBAARHEID laat jou bid.
* DANKBAARHEID verlig jou innerlike behoeftes
* DANKBAARHEID straal deur die vensters van jou oë.
* DANKBAARHEID leer jou om altyd jou oë op Jesus te rig.
* DANKBAARHEID beteken dat jy God op Sy Woord neem
* DANKBAARHEID help jou om beter te voel oor slegte dinge.
* DANKBAARHEID laat jou elke dag vir God sê hoe dankbaar jy is oor wat Hy vir jou doen en gee.
* DANKBAARHEID laat jou iets sien wat jou opgewonde maak.
* DANKBAARHEID is asof iemand 'n son aangeskakel het in jou binneste
* DANKBAARHEID help jou vergeet van dit wat jou neerdruk.
* DANKBAARHEID laat jou optree asof jy reeds die positiewe ontvang het.
* DANKBAARHEID leer jou om alles te koester wat jy daagliks ontvang.
* DANKBAARHEID laat jou besef dat jy danksy Jesus elke dag kan wys jy is DANKBAAR!!
2011-07-21 11:54 K = KARAKTER wys watter waardes is vir jou belangrik.
A = AS jy iemand van goeie karakter is, het jou keuses altyd te make
met hoe jy besluit of iets reg of verkeerd is.
R = REG doen. "Wat is die regte ding om te doen?"....is een van die
belangrikste vrae van iemand met karakter!
A = "ALMAL doen dit" is nie altyd die regte basis waarvolgens jy gaan
besluit nie, want almal doen nie altyd reg nie.
K = KEUSES wat jy maak sal by mense met karakter altyd mooi en
positiewe gevolge hê!
T = TREE verantwoordelik op soos n grootmense en nie kinderagtig of
kwaadwillig nie.
E = EERLIKHEID is een van die beste en mooiste aanduidings van
karakter.
R = RESPEK en liefde vir jou maats, vriende, kollegas en onderwysers
en vir jou ouers wys dat jy KARAKTER het!
N GOEIE KARAKTER BETEKEN DUS...
* Dat jy die goeie sal ken.
* Dat jy die mooi en goeie dinge sal begeer.
* Dat jy die goeie sal doen.
* Dat jy Jesus sal innooi in jou lewe.
* Dat jy Jesus sal navolg.
